2019 წლიდან დღემდე, “თბილისი პრაიდი” ყოველწლიურად უერთდება ღირსებისა და სიამაყის მსოფლიო თვეს და პრაიდის კვირეულს ატარებს.

პრაიდის კვირეული ლესბოსელი, გეი, ბისექსუალი, ტრანსგენდერი და ქვიარ ადამიანებისთვის ერთმანეთის დანახვის, გაერთიანების, თავისუფალი თვითგამოხატვისა და საკუთარი უფლებებისთვის ბრძოლის უნიკალური შესაძლებლობაა.

კვირეული მოიცავს პოლიტიკური, კულტურული და აკადემიური ხასიათის ღონისძიებებს, მათ შორის საერთაშორისო ლგბტქი კონფერენციასა და პრაიდის ფესტივალს.

2019 და 2021 წლებში, “თბილისი პრაიდმა” ღირსების მარშის ჩატარება ცადა, თუმცა ძალადობრივი რადიკალური ჯგუფებისა და ხელისუფლების ანტი-დემოკრატიული მოქმედებების გამო, მარში ორივე შემთხვევაში ჩაიშალა. Მეტიც, მძიმე ფსიქო-ემოციური და ფიზიკური ზიანი მიიღო ათობით ლგბტქი/სამოქალაქო აქტივისტმა და ჟურნალისტმა. დღემდე, ჩადენილი ძალადობის ორგანიზატორები დაუსჯელები არიან.